Gün ərzində su içməyin orqanizm üçün necə əvəzsiz olduğunu artıq hər birimiz bilirik. Amma bəzi anlar var ki, məhz bu anlarda su içməyin xüsusi faydaları var. Bunlardan biri də səhərlər acqarına su içməkdir.
Həmçinin bax: Gündə nə qədər su içməliyik?
1.Gecə boyu itirlmiş suyu bərpa edir
İnsan bədəni yuxu zamanı da tənəffüs və tərləmə səbəbi ilə su itkisi yaşayır. Səhər acqarına birbaşa su içmək bu itkini kompensasiya edəcək. Səhərlər ağırlıq, yuxudan qalxmaqda çətinlik məhz bədənin susuz qalması ilə əlaqədardır. Həmçinin gecə yatmazdan öncə də su içmək bu mövzuda sizə yardımçı ola bilər.
Həmçinin bax: Gecə və səhər su içməyin faydaları
2.Metabolizmanı canlandırır
Səhərlər içilən su metabolizmanı canlandırır və maddələr mübadiləsinin doğru formada çalışmasına yardım edir. Bu da öz növbəsində daha sağlam və daha gümrah hiss etməyinizə kömək edir.
Həmçinin bax: Yemək yeyərkən su içmək olarmı?
3.Toksinləri təmizləyir
Bədənimizdə daim toksinlər meydana gəlir və toplanır. Bu toksinlərin təmizlənməsində suyun əvəzsiz rolu var. Səhərlər acqarına su içmək gecə boyu bədəndə toplanan toksinləri bədəndən atmağa yardım edir.
4.Arıqlamağa kömək edir
Sağlam şəkildə arıqlamağın ən vacib yollarından biri də yetərli miqdarda və düzənli olaraq su içməkdir. Səhər içdiyimiz su isə toksinləri bədəndən atmaq, maddələr mübadiləsinin düzgün işləməsini təmin etməklə yanaşı olaraq, həm də toxluq hissi gətirdiyi üçün arıqlamaqda çox böyük rolu var.
Həmçinin bax: İçməli su necə olmalıdır?
Həmçinin bax: Su filtri nədir?
AZ 
RU 
EN 