Su Filterindən İstifadə Qaydaları Nələrdir?

Su filterləri artıq hər bir evin ayrılmaz məişət əşyalarından biri hesab olunur. Çirkli sudan əziyyət çəkən ailələrin 90%-i bu problemi su təmizləyici cihazlarla həll edir. Amma heç də hər kəs bu qurğulardan doğru şəkildə istifadə etməyin yollarından xəbərdar deyil.

Su filterlərinin yanlış şəkildə istifadə olunması suyun təmizliyinin istənilən səviyyədə olmamasına, cihazın ömrünün azalmasına və əlavə xərclərə gətirib çıxardır.

Bəs su filterlərindən doğru şəkildə necə istifadə etməliyik? Istifadə qaydaları nələrdir?

Su filtrindən istifadə qaydalarına nəzər yetirərkən bəzi addımları quraşdırılmadan öncə həyata keçirmək vacibdir. İlk olaraq əldə etdiyiniz su filteri cihazını quraşdırmaq üçün yeri doğru seçməlisiniz. Quraşdırılmanı elə etmək lazımdır ki, gələcəkdə cihazı yerindən çıxarıb servis xidməti göstərmək asan olsun.

İkinci olaraq quraşdırılmanı təlimatlara uyğun həyata keçirmək və təhlükəsizlik tədbirlərini öncədən görmək lazımdır.

Su filteriniz quraşdırıldıqdan sonra isə əsas olaraq bu qaydalara diqqət etməlisiniz:

1.Filterlərin dəyişdirilməsi

Su təmizləyicilərinin effektivliyi onların filtrlərindən asılıdır. Filtrlərin müntəzəm olaraq dəyişdirilməsi suyunuzun hər zaman təmiz qalmasını təmin edir. Sadə tipli su filteriniz varsa, servis mütəxəssislərinin bildirdiyi və ya qurğunun kitabçasında əks olunan tarix aralıqlarında filtrləri dəyişdirməlisiniz.

Smart tipli cihazlarda isə filtrlərin dəyişim vaxtına rəqəmsal paneldən nəzarət etmək mümkündür.

2.Təmizlik

Vaxt keçdikcə qurğunun iç və çöl hissəsi çirklənir. Qurğunun təmiz qalması və bakteriya mənbəyinə çevrilməməsi üçün mütəmadi olaraq silərək təmizləmək lazımdır.

3.Suyun təmizliyinə nəzarət

Qurğuda hər hansı nasazlıq olması və ya girişdəki suyunun keyfiyyətinin dəyişməsi əldə etdiyiniz suyun təmizliyinə birbaşa təsir edə bilər. TDSmeter adlanan cihaz vasitəsilə suyunuzun keyfiyyətini nəzarətdə saxlayın. Əgər göstərici 60-ı keçirsə, dərhal servislə əlaqə saxlayın.

4.Kiçik bir məsləhət

Əgər bir neçə gün evdə olmamısınız və ya su filtrindən istifadə etməmisinizsə, birbaşa kranı açaraq suyu dərhal istifadə etmək olmaz. Bu zaman kranı açaraq çəni bir dəfə tam boşaldın və yenidən dolduqdan sonra istifadə edin.

Həmçinin oxuya bilərsiniz: Su filteri haqqında ən çox verilən 5 sual

Həmçinin oxuya bilərsiniz: Su filteri seçərkən nələrə diqqət etməliyik?