Əks osmos nədir? Suyu necə təmizləyir?

Əks osmos prinsipi ilə çalışan su təmizləyici sistemlərin istifadəçi sayı durmadan artmaqdadır. Artıq hər sahədə və hər evdə bu texnologiyanın nümunələrini görə bilirik. Müasir su təmizləmə sistemləri arasında demək olar ki, ən geniş yayılmış texnologiya Əks osmos texnologiyasıdır.

Bəs Əks osmos nədir və suyu necə təmizləyir?

Əks osmos (ing. Reverse osmosis) istənilməyən maddələri, su molekullarından daha böyük olan molekulları sudan ayıran yarımkeçirici membran təbəqəsi ilə suyun təmizlənməsi prosesidir.

İçməli su əldə etmək üçün başlanğıc su Əks osmos membranında daha çox konsentrasiyalı tərəfdən (daha çox çirkləndirici) daha az konsentrasiyalı tərəfə (daha az çirkləndirici) axır. Əks osmos sistemi təzyiq vasitəsi ilə suyu membrandan keçirərək iki hissəyə ayırır. Bir hissə təmiz su olaraq, digəri isə çirkli su formasında ayrılır.

Yarımkeçirici membranda çirkləndiricilərin qarşısını alan, lakin su molekullarının keçməsinə imkan verən kiçik məsamələr var. Məsələn, Əks osmos zamanı duzlu suyun həcminə təzyiq tətbiq edildikdə, duz geridə qalır və oradan yalnız təmiz su keçir.

Əks osmos texnologiyası içməli su istehsalı, tibb, kənd təsərrüfatı kimi bir çox sənayə sahələrində geniş istifadə olunur. Bu sistemləri tətbiq edərək quyu, çay, kanal və hətta tullantı sularını da təmizləyərək içməli vəziyyətə gətirmək mümkündür.

Bu texnologiyanın əsas istifadə sahələrindən biri də fərdi evlər üçün içməli su filtrlərinin istehsalıdır. Bəzi hallarda bu sistemlərin zərərli olması ilə bağlı yanlış olan fikirlər yayılır. Əslində isə Əks osmos texnologiyalı su təmizləmə sistemlərinin insan sağlamlığı üçün hər hansı bir zərəri təsdiq edilməmişdir.